इतिहासमै सर्वाधिक कलेक्सन गर्ने फिल्म ‘छक्का पञ्जा ३’

कार्तिक ११, काठमाडौँ । दीपाश्री निरौला निर्देशित फिल्म ‘छक्का पञ्जा ३’ले  ‘छक्का पञ्जा’कै रेकर्ड तोडेको छ ।

‘छक्का पञ्जा ३’ ले नेपाली फिल्म इतिहासमै सर्वाधिक कलेक्सन गर्ने फिल्मको रेकर्डमा आफ्नो नाम राखेको  छ ।

यो फिल्मले १७ दिने कमाई मोफसल वितरकमा ८ करोड र राजधानी भित्र वितरण पनी सोही आँकडामा रहेको जनाएको छ । दुई वितरकबाट प्राप्त ‘छक्का पञ्जा ३’ को कमाई प्लस गर्ने हो भने फिल्मले घरेलु बजारमा १६ करोड छापिसकेको छ । अब सबैको चासो लाइफटाइम कलेक्सनतर्फ बढेको छ ।

निर्देशक दीपाश्री निरौला र कलाकार, निर्माता तथा स्क्रिप्ट राईटर दीपकराज गिरीले ‘छक्का पञ्जा’को १२८ दिनेको रेकर्ड ‘छक्का पञ्जा ३’ ले १७ दिनमा तोडेको भन्दै खुसी व्यक्त गरेका छन् ।

स्टाटस शेयर गर्दै लेखेका छन्: “छक्का पञ्जा १ु ले १२८ दिनमा प्राप्त गरेको लक्ष्य ‘छक्का पञ्जा ३’ले केबल १७ दिनमा उक्त उपलब्धि हासिल गरेको छ । बधार्इ सबै कलाकार तथा प्राबिधिक साथिहरू । धन्यबाद दर्शक, जय नेपाली सिनेमा ।”