नेविसंघद्वारा शैक्षिक बन्दको घोषणा

कात्तिक २५, काठमाडौँ । प्रमुख प्रतिपक्षिदल नेपाली काग्रेसको जनवर्गिय संगठन नेपाल विद्यार्थी संघले कार्यकर्ता पक्राउको विरोधमा आन्दोलनको घोषणा गरेको छ ।

प्रधानमन्त्रीको तस्वीर विगारेर फेसबुकमा शेयर गरेको आरोपमा तपेश्वर उच्च माध्यामिक विद्यालय काभ्रेका ईकाइ अध्यक्ष कृष्ण ढकाललाई प्रहरीले पक्राउ गरेको छ । ढकालले कुकुर तिहारको दिनमा कुकुरको टाउको जोडिएको फेसबुकमा सेयर गरेकाले उनलाई पक्राउ गरीएको थियो । अन्जानमा फेसबुकमा आएको तस्वीर शेयर गरेको भन्दै माफी माग्दा समेत नछाडेको भन्दै नेवि संघले आन्दोलनको घोषणा गरेको छ ।

ढकाललाई रिहा गर्न माग गर्दै नेवि संघले कात्तिक २५ र २६ गते काभ्रेका सम्पूर्ण विद्यालय बन्द गर्ने, २६ गते ७७ वटै जिल्लामा प्रधानमन्त्रीको पुत्ला दहन गर्ने र २८ गते सबै जिल्ला सदरमुकाममा २ घण्टा चक्का जाम गर्ने लगायतका कार्यक्रम सार्वजनिक सार्वजनिक गरेको छ ।