दीपिका-रणवीरको विवाहको पहिलो तश्बिर सार्वजनिक

कार्तिक ३०, एजेंसी । बलिउड नायीका दीपिका पादुकोण र नायक रणवीर सिंहको विवाह ईटलीमा भएसगै दुलही बनेकी दीपिका र दुलहा बनेका रणवीरको विवाहको पहिलो तश्बिर सार्वजनिक भएको छ ।

बुधबार उनिहरुको रीति–रिवाजअनुसार विवाह भएको छ । तश्बिरमा दीपिका रातो पहिरनमा निकै सुन्दर देखिएकी छन् । रणवीर सिंहलाई पनि सेतो र रातो पहिरन निकै सुहाएको छ ।

रणवीर-दीपिकाले आ-आफ्नो इन्स्टा अकाउन्टमा २ वटा एउटै तश्बिर शेयर गरेका छन् । क्याप्सनमा दुबैले लभको इमोजी बनाएका छन् ।

भारतीय सञ्चारमाध्यमका अनुसार वैवाहिक समारोहको इन्स्योरेन्स गरिएको छ । ओरिइन्टल इन्स्योरेन्स कम्पनीले यसको इन्स्योरेन्स गरेको हो र पोलिसी रणबीरको नाममा जारी गरिएको छ । यदि वैवाहिक प्रक्रियाको ५ दिनभित्र कुनै दुर्घटना भएमा त्यसको नोक्सानी इन्स्योरेन्स कम्पनीले व्यहोर्ने छ ।

विवाहमा ४० जना पाहुना थिए । रणवीर र दीपिकाले २८ नोभेम्बरमा मुम्बई र २१ नोभेम्बरमा बेंगलुरुमा रिसेप्सन पार्टी दिँदैछन् ।