काठमाडौं, २ पौष । अनसनरत शेयर लगानीकर्ताले उठाएको पुँजी बजार सुधारको मागलाई नेपाली कांग्रेसले समर्थन गरेको छ ।
सोमबारदेखि नेपाल स्टक एक्सेन्ज कार्यालय अगाडी अनसन बसेका शेयर लगानीकर्ता स्थलमै पुगेर प्रवक्ता विश्वप्रकाश शर्माले नेपाली कांग्रेसको संस्थागत समर्थन रहेको बताएका हुन् ।
उनले भने, ‘तपाईहरुको माग प्रति नेपाली कांग्रेसले पूर्ण समर्थन जनाएको छ, मागलाई सरकारले पूरा गर्नुपर्छ ।’ सरकारले पुँजी बजारलाई हेर्ने दृष्टीकोणमा परिवर्तन ल्याउनुपर्ने बताउँदै उनले अर्थमन्त्रीले पुँजी बजारलाई अनुत्पादक क्षेत्र भन्न नसुहाउने बताए । उनले भने, ‘बजारको सूचक ओरालो लाग्दा अर्थतन्त्र पनि ओरालो लाग्छ, त्यसैले पुँजी बजार अपरिहार्य छ ।
प्रतिक्रिया दिनुहोस्