चोरीमा संलग्न चार जना पक्राऊ

काठमाडौँ, ६ पौष । काठमाडौँको पानीपोखरीबाट चोरीमा संलग्न चार जनालाई प्रहरीले पक्राउ गरेको छ ।

पक्राउ पर्नेहरु काभ्रेका प्रज्वल तामाङ, रामेछापका अनिल तामाङ, मकवानपुर राजिव देउला र दोलखाका निमा तामाङ रहेका छन ।

महानगरिय प्रहरी वृत महाराजगंजबाट खटिएको प्रहरी टोलीले चोरीको सामानसहित राति ८ः३० बजे उनिहरलाई पक्राउ गरेको जनाएको छ   ।उनीहरुको मासु काट्ने हतियार, ल्यापटप, मोबाइल  साथै घरको ढोका फोर्न प्रयोग गरिने औजार समेत बरामद गरिएको प्रहरीले जनाएको छ   ।

उनिहरुबाट चोरी गरी लुकाई राखेको समान तथा नगत ६६ हजार पाँच सय ७५ रुपैयाँ, ल्यापटप ३ थान, मोबाइल ९ थानसँगै एउटा आइफोन, ढलोटको मूर्ति १ थान, सुनको जस्तो देखिने औठी १ थान, सुनको जस्तो देखिने तिलहरी, १ थान, चाँदीको पाउजु २ थन, घर फोर्ने औजार पेचकस ५ थानलगायत सामानहरु बरामद गरिएको प्रहरीले जनाएको छ ।