विराटनगर, ६ पौष । प्रदेश नं. १ का मुख्यमन्त्री शेरधन राईले मोरङको औद्योगिक केरिडोरलाई उद्योग हव बनाउँदै विराटनगरमा अन्तर्राष्ट्रियस्तरको औद्योगिक प्रदर्शनी केन्द्र बनाउने उद्घोष गर्नुभएको छ ।
शुक्रवार मोरङ व्यापार सङ्घ विराटनगरद्वारा आयोजित व्यापार मेला विराट ट्रेड एक्स्पो–२०१८ को उद्घाटन गर्दै मुख्यमन्त्री राईले निजी क्षेत्रको लगानी वर्तमान समयमा अनिवार्य भएको बताउनुभयो । उहाँले निजी क्षेत्रको लगानी बिना विकास र समृद्धि खोज्न कठिनाइ हुने भन्दै विराटनगर विमानस्थललाई क्षेत्रीयस्तरको बनाउन कार्य प्रारम्भ भइसकेको जानकारी गराउनुभयो ।
उहाँले विकसित र परिस्कृत प्रदेश बनाउन कृषि, पर्यटन र उद्योगको क्षेत्रमा थप प्रेरणा प्रदान गर्नुपर्ने आवश्यकता रहेको औल्याउनुभयो । उहाँले व्यापार र उद्योगलाई बढावा दिने विराटनगर किमाथाङ सडकको २३ किमी ट्र्याक खोल्न मात्र बाँकी रहेको जानकारी दिनुभयो ।
प्रतिक्रिया दिनुहोस्