संविधान, कानूनभन्दा माथि कोही छैन, सबै आफ्नो मर्यादामा बस्नुपर्छ : प्रम ओली

काठमाडौँ, १२ माघ । नेपाल कम्युनिष्ट पार्टी (नेकपा)का अध्यक्ष तथा प्रधानमन्त्री केपी ओलीले सबैले आ-आफ्नो मर्यादामा बस्नुपर्ने भन्दै संविधान, कानून र संस्थाहरुभन्दा माथि कोही नरहेको बताउनुभएको छ ।

स्वीटजरल्याण्डको भ्रमणबाट शनिवार फर्किनुभएका प्रधानमन्त्री ओलीले त्रिभुवन अन्तरराष्ट्रिय विमानस्थलको अति विशिष्ट कक्षमा पत्रकारहरुसँग संक्षिप्त कुरा गर्दै डा। केसी तथा प्रमुखख प्रतिपक्षिदल नेपाली कांग्रेसलाई लक्षित गर्दै आवेश र उत्तेजनामा नआई देशको हितमा सोच्नुपर्ने बताउनुभयो । उहाँले भन्नुभया ‘कुनै पनि चिजको प्रक्रिया हुन्छ । विधि, प्रकृया र पद्धतिलाई आत्मसात् गर्दै संसदिय सर्वोच्चतालाई सवैले मान्नपर्छ ।’

संसदमा विपक्षी दलको विरोधका वावजुत विधेयक पारित भएको विषयमा प्रधानमन्त्री ओलीले लोकतन्त्रमा यस्तो हुनु स्वाभाविक हुने भन्दै उधुम विषय नभएको प्रतिक्रिया दिनुभयो ।