‘जानी नजानी’को गीतको कभर भिडियो बनाई टीभी जित्नुहोस्

काठमाडौ, २५ माघ । फिल्म ‘जानी नजानी’को ‘एउटीलाई मुटुमा घर’ गीतको कभर भिडियो बनाई ३२ इन्चको स्टार्म टीभी जित्न सकिने भएको छ ।

उक्तगीतको कभर भिडियो कम्तीमा एक मिनेट वा सो  भन्दा माथिसम्मको भिडियो बनाउन सकिने निर्मात्री रोशनी केसीले जनाएकी छीन ।

फागूण २० गतेसम्म भिडियो बनाएर पठाइसक्नुपर्ने छ भने उत्कृष्ट कभर भिडियो बिजेताले रोवा कम्पनीको ३२ इन्चको स्टार्म टीभी, दोश्रो हुनेले रोवाकै फाईभ पोइन्ट वानको साउन्ड सिस्टम, तेश्रो हुने २ जनाले कार्टुन क्रिउसँग तीन महिना नृत्य प्रशिक्षण र चौथो हुनेले कान्तिपुर फिल्म एकेडेमीमा एक वर्षको फिल्म डिप्लोमा कोर्स गर्न पाउने छन् ।’

अर्जुन पोखरेल र दुर्गा खरेलको स्वर रहेको गीतमा अम्बिका शर्माको शब्द तथा अर्जुन पोखरेलको संगीत रहेको छ । बसन्त अधिकारीको निर्देशन गरेको फिल्ममा मनिष र निरिशासँगै सन्नी सिंह, नम्रता श्रेष्ठ, प्रकाश अधिकारी , कृष्णभक्त महर्जन , रोशनी केसी लगायतको कलाकारहरुको अभिनय रहेको छ ।