भारतद्वारा पाकिस्तान भुमिमा आक्रमण

एजेन्सी, १४ फागुन । भारतीय वायुसेनाको नियन्त्रण रेखा (एलओसी) पार गरेर आतंककारीको क्याम्प ध्वस्त पारेको छ ।

भारतीय समाचार एजेन्सी एएनआइका अनुसार मंगलबार विहान भारतीय वायुसेनाले आतंककारीको क्याम्पमा १ हजार किलोको बम खसालेको छ । जसकारण आतंककारीको क्याप पूर्णरुपमा ध्वस्त भएको छ । १२ वटा मिराज विमानले यो काम सम्मन्न गरेको भारतीय वायुसेनाले जनाएको समाचारमा उल्लेख छ । भारतको १२ मिराज २००० जेट विमानले १००० किलो बम खसालेको बताइएको छ । भारतीय वायुसेनाले भने यसबारेमा पुष्टि गरेको छैन ।

यसअघि पाकिस्तानी सेनाका डिजी आईएसपीआर आसिफ गफूरले भारतीय सेनाले एलओसी पार गरेर पाकिस्तानमा घुसेको बताएका थिए । त्यो समयमा भारत आक्रमण नगरी फर्किएको थियो तर यो पटक भने भारतले पाकिस्तानको आतंककारी क्याम्पमा आक्रमण गर्न सफल भएको छ ।

भारतको प्रशाशित क्षेत्र जम्मु कश्मिरमा भएको आक्रमणपछि भारत र पाकिस्तानको सम्बन्धमा दरार उत्पन्न भएको छ । भारतीयहरुले यो घटनाको कडा जवाफ दिने बताउँदै आएको थियो ।