सुनसरी, १६ फागुन । सुनसरीमा नेत्रविक्रम चन्द विप्लव नेतृत्वको नेपाल कम्युनिष्ट पार्टीका एकजना कार्यकता दुई थान हतियारसहित प्रहरीले पक्राउ गरेको छ ।
बुधबार धरान पानमाराबाट मोरङतर्फ मोटरसाइकलमा जाँदै गर्दा मोरङको बेलबारी नगरपालिका- १० का सन्दीप भनिने देवकुमार लिम्बूलाई लङ मेसिन गन र एम–१६ सहित पक्राउ गरेको प्रहरीले जनाएको छ।
प्रहरीले चेकजाँचका क्रममा मोटरसाइकल रोक्न खोज्दा नरोकेपछि शंका लागेर पछ्याउँदै उनलाई पक्राउ गरेको प्रहरीले जनाएको छ ।
पक्राउ परेका लिम्बूलाई पानीबारी प्रहरी चौकीमा राखेर अुनसन्धान गरिरहेको प्रहरीले जनाएको छ ।
प्रतिक्रिया दिनुहोस्