पाकिस्तानमा बाढीका कारण ६ जनाको मृत्यु : सयौं विस्थापित

एजेन्सी, २० फागुन । पाकिस्तामा परेको अविरल बर्षाका कारण बास्तविक तथ्याङ्क आइ नसकेता पनि कम्तिमा ६ जनाको मृत्यु भएको छ । त्यस्तै बाढी तथा डुवानका कारण सयौं मानिसहरु विस्थापित भएका छन् ।

करेन्ट लागेर वा बाढीका कारण भत्केका भवनका भग्नावशेषमा पुरिएर मृत्यु भएको छ । बाढीका कारण कैयौँ सडक तथा रेलका लिकहरू डुवानमा परेको छ । जसको कारण यातायात सेवा समेत अवरूद्ध बनेको छ ।

मृत्यु हुने अधिकांश महिला तथा बालबालिका रहेका छ । होचोस्थानमा रहेका वस्तीहरूमा डुवान भएको छ । डुबानको कारण घरहरू भत्केका छन् । वस्तीमा पानी पसेपछि भागेर सुरक्षित ठाँउमा पुगेका जनताहरू सयौँको संख्यामा खुला आकाशमूनि बस्न बाध्य भएका छन् ।

बालुचिस्तानमा मुसलधारे पानी र कतिपय उच्च पहाडी क्षेत्रमा हिमपात समेत भएका कारण यहाँको सामान्य जनजीवन प्रभावित बनेको स्थानीय सञ्चार माध्यमहरूले जनाएका छन् । मौसमविद्हरूले नदी किनार र होचो वस्तीमा थप बाढी तथा डुवान हुनसक्ने चेतावनी दिँदै सुरक्षित स्थलतर्फ जान निर्देशन जारी गरेका छन ।