‘क्याप्टेन’ को तीन दिनको कलेक्सन २ करोड ४० लाख

काठमाडौँ, २२  फागुन । सुपरस्टार अनमोल केसी अभिनीत फिल्म ‘क्याप्टेन’ ले तीन दिनमा २ करोड ४० लाख कमाई गरेको छ  ।

दीवाकर भट्टराईको निर्देशनमा रहेको फिल्मले पहिलो दिन ओपनिङ सो औसत रहेपनि दिउँसो २ बजेबाट फिल्मले पिकअप लिएको थियो । वितरक मनोज राठीका अनुसार तीन दिनमा फिल्मले २ करोड ४० लाख ग्रस कमाई गरेको उनले बताएका छन ।

फिल्मको व्यापार उपत्यका र मोफसल दुबैतिर राम्रो रहेको छ । फिल्मको विकेन्ड कलेक्सन राम्रो हुनुमा अनमोलको क्रेज, गीतसंगीत र ट्रेलरको महत्त्वपूर्ण भूमिका रहेका  छ ।

फिल्ममा पिताको फुटबलमा देशलाई गोल्ड मेडल जिताउने सपना पूरा गर्ने एक छोराको संघर्षको पेरिफेरीमा फिल्म घुमेको छ । फिल्ममा  उपासना सिंह ठकुरी, प्रियंका एमभी, सरोज खनाल, प्रशान्त ताम्राकार, विल्सन विक्रम राई, सुनिल थापालगायतका कलाकारहरुको अभिनय रहेको छ ।