भक्तपुर, २३ फागुन । भक्तपुरमा बस र मोटरसाइकलको ठक्करबाट एकजनाको मृत्यु भएको छ ।
मध्यपुर ठिमी नगरपालिका-२मा बा७४व ५५३ नम्बरको मोटरसाइकलको ठक्करबाट सडकमा लडेको प्रदेश ३-०२-००२ प६२ नम्बरको मोटरसाइकललाई बा२ख ४८६८ नम्बरको बसले ठक्कर दिंदा चालक २४ वर्षीय सन्तोष राईको मृत्यु भएको हो ।
मध्य ठिमी नगरपालिका-९ बोडेमा बस्ने राईलाई उपचारका लागि नागरिक अस्पताल पुर्याउदा चिकित्सकले मृत घोषणा गरेको प्रहरीले जनाएको छ ।
महानगरीय प्रहरी बृत्त ठिमीले ठक्कर दिने मोटरसाइकलका चालक अरुणकुमार श्रेष्ठ र बसका चालक ताराबहादुर तामाङलाई नियन्त्रणमा लिई घटनाका थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्