विप्लवका जिल्ला सदस्यसहित ३ नेताद्वारा राजीनाम

गोरखा, १४ चैत । गोरखामा नेत्रविक्रम चन्द नेतृत्वको समूहका तीन कार्यकर्ताले सामुहिक राजीनामा दिएका छन् ।

राजीनामा दिने कार्यकर्ताहरुमा जिल्ला सदस्य अनिल कुमाल, युवा कमिटी सदस्य गोकुल कुमाल र इलाका कमिटी सदस्य मेघराज कुमाल रहेका छन ।

उनीहरूले बुधबार साँझ संयुक्त विज्ञप्ति जारी गरी मूह परित्याग गरेको घोषणा गरेका हुन् । विज्ञप्तिमा समूहले पछिल्लो समय गरेको गतिविधिप्रति आफूहरुको असन्तुष्टि रहेको भन्दै समूह परित्याग गरेको उल्लेख गरिएको छ ।

विज्ञप्तिमा भनिएको छ, ‘समूहको पछिल्लो कदमले अहिलेको सन्दर्भमा समूहलाई निष्कर्षमा पुर्याउँदैन’, ‘हामी आजकै मितिबाट समूह परित्याग गरी स्वतन्त्र नागरिक भएर रहन चाहन्छौं ।’