काठमाडौँ, २३ चैत । आठौँ बृहत् राष्ट्रिय खेलकूद प्रतियोगिताको उद्घाटन राष्ट्रपति विद्यादेवी भण्डारीद्वारा उद्घाटन हुने भएको छ ।
प्रदेश नम्बर ५को नेपालगञ्ज रङ्गशालामा वैशाख ५ गते देखि ११ गतेसम्म हुने बृहत् राष्ट्रिय खेलकूद प्रतियोगितामा राष्ट्रपति भण्डारीले उद्घाटन गर्ने कार्यक्रम भएको राष्ट्रिय खेलकूद परिषद् (राखेप)ले जनाएको छ ।
प्रतियोगितामा सात प्रदेश, तीन विभागीय र गैरआवासीय नेपाली सङ्घ (एनआरएन) गरी ११ टोलीको सहभागिता रहनेछ । प्रतियोगितामा एक हजार ३०७ पदकका लागि पाँच हजार २११ खेलाडीले प्रतिष्पर्धा गर्ने छन् भने ३७२ स्वर्ण, ३७२ रजत र ५६३ कास्य पदकका लागि प्रतिस्पर्धा हुनेछ ।
प्रतिक्रिया दिनुहोस्