भारतमा बोलेरो र ट्रक ठोकिँदा सात जनाको मृत्यु

एजेन्सी, ८ वैशाख । भारतको रांची सहरको नामकुममा बोलेरा र ट्रक एक आपासमा ठोकिँदा सात जनाको मृत्यु भएको छ ।

शनिबार दिउसो करीब तीन बजे तिर भएको उक्त दुर्घटनामा मृत्यु हुनेहरु चालक एकै परिवारका आमा, छोरा, हजुरआमा रहेको थियो । उक्त दुर्घटनामा ज्यान गुमाएकाहरु चान्हो इलाकाको पिपराटोली स्थित बसोबास गर्ने रहेको मिडियाले जनाएको छ ।

अनिल उरांवका विवाहको चार दिनपछि गाउँको एक बोलेरो भाँडामा लिएर परिवारको साथ अनिल आफ्नो श्रीमतिसंगै ससुराली जाँदै गर्दा उक्त दुर्घटना भएको मिडियाले जनाएको छ । मृत्यु हुनेहरु चालक, अनिल उराँवका सानो भाई सुनील उराँव, आमा पुनिया उराँव, हजुरआमा पार्वती ऊराईन लगायतका सात जना सवार थिए ।