काठमाडौँ, १३ वैशाख । बलिउडका महानायक अमिताभ बच्चन तमिल हरर कमेडी फिल्म ‘कञ्चना’को हिन्दी रिमेकमा ट्रान्सजेन्डरको महिलाको भूमिकामा रहने बताइएको छ ।
उक्त फिल्ममा अभिनेता अक्षय कुमारसँग उनी १२ वर्षपछि ठूलो पर्दामा देखिनेछन् । तमिलको सुपरहिट फिल्म ‘कञ्चना’ को हिन्दी रिमेकमा अमिताभले कञ्चनाको भूमिका निभाउने भारतीय मिडियाले बताएका छन् ।
फिल्मको कहानीमा देखाइएको थियो कि, कञ्चना एक ट्रान्सजेन्डर महिला हुन्, जसले आफ्नो मृत्युको बदला लिनका लागि राघवको शरीर चुनेको हुन्छ । तमिल फिल्ममा कञ्चनाको रोल आर शरद कुमारले निभाएका थिए ।
हालै रिलिज भएको अमिताभको नयाँ फिल्म ‘बदला’ ले बक्सअफिसमा राम्रो व्यापार गरेको थियो । उनी चाँडै बिग बजेटको फिल्म ‘ब्रह्मास्त्र’ मा देखिँदैछन् ।
प्रतिक्रिया दिनुहोस्