काठमाडौँ, १८ वैशाख । ‘गौतम बुद्ध अन्तर्रा्ष्ट्रिय क्रिकेट रङ्गशाला’ निर्माणको लागी धुर्मुस सुन्तली फाउण्डेशनले सहयोगका लागि गत २६ अप्रिलमा दुबईमा ‘धुर्मुस सुन्तली साँझ २०७६’ आयोजना भएको थियो ।
चितवन समाज दुबईको संयोजन तथा बिभिन्न संघसंस्थाहरुको आयोजनामा सम्पन्न भएको ‘धुर्मुस सुन्तली साँझ २०७६’ बाट २२ लाख रकम संकलन भएको जनाएको छ ।
धुर्मुस सुन्तली साँझ कार्यक्रमबाट २० लाख र आबुधावीमा रहेका गायक प्रकाश पौडेलले राखेको भेटघाट डिनर कार्यक्रमबाट २ लाख गरी रंगशाला निर्माणका लागि कुल २२ लाख रुपैँया सहयोग प्राप्त भएको हो ।
उक्त कार्यक्रममा धुर्मुस सुन्तली, चर्चित गायिका मेलिना राई, गायक पुष्पन प्रधान लगायतका कलाकारहरुको बेजोड़ प्रस्तुती रहेको थियो ।
कार्यक्रम सकेर स्वदेश फर्किएका धुर्मुस सुन्तली फाउण्डेशनका अध्यक्ष सिताराम कट्टेलले दुबईबाट राम्रो सहयोग संकलन भएको र उक्त सहयोग प्राप्त भएकोमा निकै खुसी भएको जनाएका छन ।
प्रतिक्रिया दिनुहोस्