पाकिस्तानको फाइभ स्टार होटेलमा आतंकवादीको अन्धाधुन्द आक्रमण : ४ जनाको मृत्यु

एजेन्सी, ३० बैशाख । पाकिस्तनको बलूचिस्तान प्रान्तमा बन्दरगाह शहर ग्वादर स्थित एक फाइभ स्टार होटेलमा आक्रमणमा परेर तीन आतंकवादिसहित ४ जनाको मृत्यु भएको छ ।

आतंकवादीहरु सोझै होटेल भित्र पसेको र अन्धाधुन्ध गाली चलाएको एक प्रहरी अधिकारीले बताएका छन् । आतंकवादी र प्रहरीबीच भिषण गोली हानाहान हुँदा आतंकवादिहरुले प्रवेशद्वारमा एक सुरक्षा गार्डलाई गोली हानेर हत्या गरेको बताइएको छ । पाकिस्तानको सुरक्षा बलले तीन आतंककारीहरुलाई मारेका थिए ।

होटेलमा रहेका अन्य ग्राहकहरु पनि घाइते भएको तर एकिन विवरण भने आउन नसकेको बताइएको छ । पाकिस्तानको प्रतिबन्धित बलूचिस्तान लिबरेशन आर्मी (बीएलए)ले हमलाको जिम्मेवारी लिएको छ ।