छोराले बाबुलाई टुक्रा टुक्रा पारेर झोलामा बोकेपछि…!

एजेन्सी, ९ जेठ । भारतका राजधानी दिल्लीमा आफ्नै छोराले बाबुलाई विभत्स हत्या गरी टुक्रा टुक्रा बानाई चार वटा फरक – फरक ब्यागमा राखी बोकेर हिडेको प्रहरीले जनाएको छ ।

छोरा अमनले आफनो साथीको गाडिमा पिताको शव भएको झोला राख्दै गर्दा रंगेहात प्रक्राउ परेको भारतीय प्रहरीले सूचना दिएको बताइएको छ ।

पूर्वी दिल्लीका शाहदरा जिल्लाको फर्श बजार इलाकामा एक छोराले सम्पतीको लागि आफ्नै बाबुको हत्या गरी झोलामा बोकी हिडेको खबर भारतीय मिडिया दैनिक जागरणमा उल्लेख छ । उक्त घटनाको खुलासा भएपछि प्रहरी प्रशासन र स्थानीय चकित भएका छन् ।

छोरा अमन अग्रवालले आफ्नो साथीसंग मिलेर सम्पतीका लागि पिता सन्देश अग्रवाललाई टुक्रा – टुक्रा गरेको मिडियाले जनाएको छ । पिताको उक्त शवलाई लुकाउन जानेक्रममा प्रहरीले छोरालाई पक्राउ गरेको छ । प्रहरीले शवको टुक्राहरुलाई जम्मा गरी पोस्टमार्टमको लागि लगेको बताइएको छ ।