काठमाडौँ, २० जेठ । आईसीसी एकदिवसीय विश्वकप २०१९ मा बंगलादेशले सानदार सुरुवात गरेको छ । बंगलादेशले आईतबार राती भएको खेलमा दक्षिण अफ्रिकालाई २१ रनले पराजित गर्दै विजयी सुरुवात गरेको हो ।
बंगलादेशले प्रस्तुत गरेको ३ सय ३१ रनको लक्ष्य पछ्याएको दक्षिण अफ्रिका निर्धारित ५० ओभरमा ८ विकेटको क्षतिमा ३ सय ९ रन मात्र बनायो । त्यसअघि लन्डन स्थित ओभल क्रिकेट मैदानमा टस हारेर पहिला ब्याटिङको निम्तो पाएको बंगालदेशले निर्धारित ५० ओभरमा ६ विकेटको क्षतिमा ३ सय ३० रन बनाएको थियो ।
दक्षिण अफ्रिका भने लगातार दोस्रो पटक पराजित भएको छ । पहिलो खेलमा आयोजक इग्ल्याण्डसँग पराजित भएको दक्षिण अफ्रिका आइतबार बंगलादेशसँग पराजित भएको हो ।
प्रतिक्रिया दिनुहोस्