अस्पतालले मृत घोषित गरेको शव अन्तिम संस्कार भइरहँदा जिवित

एजेन्सी, १९ असार । भारतको उत्तरप्रदेशको राजधानीमा एक युवकलाई अस्पतालले मृत घोषित गरेपछि अन्तिम संस्कार भइरहेको बेला उनी जिवित रहेको बताइएको छ ।

२० वर्षका मोहम्मद फुरकान २१ जुनमा एक दुर्घटनामा घाइते भएका थिए । उनलाई नीजि अस्पतालमा भर्नागरेसगै डाक्टरले उनलाई सोमबार मृत घोषित गरेका थिए । त्यसपछि उनलाई  चिहान खनिसकिएको थियो र शवलाई त्यहाँ राख्दै गर्दा परिवारका केही सदस्यले उनको शरीरमा हलचल देखे । अन्तिम संस्कारको प्रक्रिया तत्काल रोकेर उनलाई अस्पताल पुर्याइयो । अहिले त्यहाँ उनको उपचार भइरहेको छ ।