केबल टीभीको सिग्नल बाइपास गर्ने तीन जना पक्राउ

पर्सा, २० असार । केबल टीभीको सिगनल बाइपास गरी राजश्व छली गरेको आरोपमा तीन जनालाई पक्राउ गरेको छ ।

बिहीबार वीरगञ्ज महानगरपालिका–८, गहवास्थित ‘हाम्रो टिभी’को कार्यालयमा जिल्ला प्रशासन कार्यालय पर्सा नेतृत्वको टोलीले छापामारी आवश्यक अनुसन्धानका लागि तीन जनालाई नियन्त्रणमा लिएको हो ।

गहवान निवासी सञ्चालक विजेन्द्रप्रसाद चौरसिया, दिनेश कहार र वीरगन्ज विर्ता निवासी युवराज भट्टराईलाई पक्राउ गरिएको पर्साका प्रमुख जिल्ला अधिकारी नारायणप्रसाद भट्टराईले जनाएको छ ।

पक्राउ परेका व्यक्ति तथा बरामद सामग्रीलाई आवश्यक अनुसन्धानका लागि जिल्ला प्रहरी कार्यालय पर्साको जिम्मा लगाइएकोे जिल्ला प्रशासन कार्यालय पर्साले जनाएको छ । हाम्रो टीभीको आडमा भइरहेको सिगनल बाइपासबाट महिनामा लाखौँ रुपैया राजश्व नेपाल सरकारले गुमाउनु परिरहेको प्रशासनले बताएको छ ।