बाघ घरभित्र ओछ्यानमा सुतिरहेको अवस्थामा फेला

एजेन्सी, ५ साउन । भारतको एक घरको ओछ्यानमा जंगली बाघ फेला परेको छ ।

उत्तरपूर्वी राज्य आसामको हरमुती गाँउको एक घरमा बाघ फेला परेको हो । उक्त घरका परिवार बजार गएर फर्किदा आफ्नो ओछ्यानमा जंगली बाघ भेटेका थिए ।

त्यसपछि घरका मानिसले बाघलाई वाधा नपु¥याई वन विभागका मानिसका खबर गरे । बाघलाई पक्रन गएको वन्यजन्तु ट्रष्टले आफ्नो आधिकारिक ट्वीटरमा घरभित्रको आछ्यानमा सुतिरहेको बाघको तस्विर पोष्ट गरेको छ ।

बाघ नजिकैको कान्जिरङ्गा राष्ट्रिय निकुञ्जमा पसेको बाढीबाट जोगिन गाउँ पसेको विश्वास गरिएको छ ।