अफगानिस्तानमा बम विस्फोट हुँदा ३४ को मृत्यु

एजेन्सी, १७ साउन । अफगानिस्तानमा बम विस्फोट हुँदा बसमा सवार बालबालिकासहित ३४ यात्रुको मृत्यु भएको छ ।

फराह प्रान्तका वरिष्ठ अधिकारीका अनुसार पश्चिमी अफगानिस्तानको सडक छेउमा बम विस्फोट हुँदा बसमा सवार बालबालिकासहित ३४ यात्रुको मृत्यु भएको छ भने राजमार्गमा यात्रा गरिरहेका १७ जना घाइते भएका छन् ।

अमेरिकाको नेतृत्वमा तालिबान लडाकू समूहसँग शान्ति वार्ताको प्रयास भइरहेको अवस्थामा काबुललगायत पूरा अफगानिस्तानमा द्वन्द्व बढेको पाइएको छ। विद्रोहीहरूले शान्ति वार्ताबाट ठूलो लाभ उठाउन आक्रमण बढाएको हुनसक्ने अफगान सुरक्षा विशेषज्ञहरू बताउँछन् ।