आगजनीमा संलग्न रहेको आशंकामा ५ जना पक्राउ

काठमाडौँ, २७ असोज । प्रहरीले आगजनीमा संलग्न रहेको आशंकामा ५ जनालाई पक्राउ गरेको छ ।

मकवानपुरको थाहा नगरपालिका-५ वडा कार्यालयमा भएको आगजनीमा संलग्न रहेको आशंकामा उनीहरुलाई पक्राउ गरिएको हो ।

पक्राउ पर्नेको नाम सार्वजानिक गरेको छैन । २६ गते राति कार्यालयको ढोका फुटाएर पेट्रोल तथा मट्टितेल छर्किएर आगो लगाएको बताइएको छ । पेट्रोल तथा मट्टितेल लगिएको बोतल कार्यालय छेवैमा भेटिएपछि प्रहरीले अनुसन्धान थालेको थियो ।