आज जोर नम्बर प्लेटका सवारी मात्र चलाउन पाइने

काठमाडौँ, २४ मंसिर । चक्रपथभित्र आज (मंगलबार) जोर नम्बर प्लेट भएका सवारी साधन मात्र चल्न पाउने भएका छन् ।

महानगरीय ट्राफिक प्रहरी महाशाखाकाका अनुसार दक्षिण एसियाली खेलकुद (साग)को समापनको दिन ट्राफिक व्यवस्थापन मिलाउन जोर नम्बर प्लेट भएका सवारी साधन मात्रै चल्न दिइने भएको छ ।

त्यस्तै, ठूला मालवाहक सवारी साधन पनि रिङरोड प्रवेश नगराउन महाशाखाकाले आग्रह गरेको छ । सागको डेलिगेसन कार्ड भएकाहरुका लागि भने यो व्यवस्था लागू हुने छैन ।