राष्ट्रपति भण्डारीसँग भारतीय राजदुत पुरीको बिदाई भेट

काठमाडौँ, ९ पौष । राष्ट्रपति बिद्यादेवी भण्डारीसँग नेपालका लागि भारतीय राजदुत मञ्जीभसिंह पुरीले बिदाई भेटबार्ता गरेका छन ।

शीतलनिवास पुगेर राजदुत राष्ट्रपति भण्डारीसँग बिदाई भेट गरेका हुन । राष्ट्रपति कार्यालयका अनुसार  भेटमा नेपाल र भारतबीच रहिआएको सम्बन्ध, आपसी हित र चासोको बिषयमा कुराकानी भएको जनाइएको  छ ।

बिदाई भेटमा राष्ट्रपति भण्डारीले आफ्नो कार्यकालमा दुई देशबीचको सम्बन्ध सुदृढ बनाउन खेलेको भुमिकाको प्रसंशासहित बधाई  दिएकी छन ।