१७ औ मिनेटमा सन्तोष साहुखलको किर्तिमानी सय गोल

काठमाडौ, पुष २३।नेपाली फुटवल टोलीको स्टार खेलाडी सन्तोष साहुखलले किर्तिमानी सय गोल पुरा गरेका छन् । सहिद स्मारक ए डिभिजन लिग फुटबलमा साहुखलले बुधबार कीर्तिमानी १०० गोल पूरा गरे ।

बुधबारको खेलमा पुलिसविरुद्ध गोल गरेसँगै उनले ए डिभिजन लिगमा कीर्तिमानी १०० गोल पूरा गरेका हुन् । सन्तोषले खेलको १७ औं मिनेटमा गोल गर्दै आफ्नो नाममा लोभलाग्दो कीर्तिमान लेखाएका हुन्। लिगको सुरुवाती दुई खेलमा च्यासलका लागि ३ गोल गर्दै सन्तोषले लिगमा व्यक्तिगत गोल संख्या ९९ पुर्‍याएका थिए। यसअघि सन्तोषले संकटा क्लबविरुद्ध २ र मछिन्द्रविरुद्ध १ गोल गरेका थिए ।

२०६० सालमा थ्रिस्टार क्लबबाट लिग करिअर सुरु गरेका उनले १०० पूरा गरेका हुन् । अधिकांश समय थ्रिस्टारबाट खेलेका उनले पछिल्लो सिजन यता च्यासल युथ क्लबमा छन् । बीचका केही समय मनाङ र एपीएफमा पनि बिताएका थिए ।

कुन सालमा कति गोल ?

२०६० सालमा थ्रिस्टाबाट ६ गोल

२०६१ सालमा एपीएफबाट ६ गोल

२०६२ सालमा थ्रिस्टारबाट ९ गोल

२०६३ सालमा थ्रिस्टारबाट ११ गोल

२०६६ सालमा थ्रिस्टारबाट १९ गोल

२०६८ सालमा मनाङबाट १६ गोल

२०६९ सालमा थ्रिस्टारबाट १७ गोल

२०७० सालमा थ्रिस्टारबाट ९ गोल

२०७५ सालमा च्यासलबाट ३ गोल

२०७६ जारी लिगमा ४ गोल