काठमाडौँ, १० माघ । प्रतिनिधिसभाको सभामुखमा उम्मेदवारी दिएका अग्नि सापकोटाविरुद्ध सर्वोच्च अदालतमा रिट दायर भएको छ ।
अधिवक्ता दिनेश त्रिपाठीले आइतबार व्यक्ति हत्यामा मुछिएका सापकोटालाई सभामुखमा निर्वाचित नगर्न मागसहित सर्वोच्चमा रिट दायर गरेका हुन् ।
माओवादी युद्धका बेला २०६२ वैशाख १६ गते काभ्रेको छत्रबाँझस्थित कृष्ण माध्यमिक विद्यालय व्यवस्थापन समितिका अध्यक्ष अर्जुन लामालाई अपहरण गरेर हत्या गरेको आरोप सापकोटामाथि रहेको छ ।
अधिवक्ता त्रिपाठीका अनुसार मुद्दाको पेशी आइतबारको लागि तोकिएको छ ।
प्रतिक्रिया दिनुहोस्