प्रधानमन्त्री ओलीलाई राष्ट्रनिर्माता अवार्ड प्रदान

काठमाडौँ, २५ माघ । प्रधानमन्त्री केपी शर्मा ओलीलाई एसियाली दूरद्रष्टा नेता तथा राष्ट्रनिर्माण अवार्ड (आमो भिजिनरी लिडर एण्ड नेशन बिल्डर अवार्ड–२०२०) प्रदान गरिएको छ ।

काठमाडौँमा आयोजित नेपाल व्यवस्थापन सङ्घको ३९ औँ राष्ट्रिय सम्मेलनको अवसरमा ‘एशियाली नेतृत्वकर्ता पुरस्कार वितरण कार्यक्रम’ मा प्रधानमन्त्री ओलीलाई उक्त पुरस्कार प्रदान गरिएको हो ।

सो अवसरमा प्राधानमन्त्री ओलीले लामो सङ्घर्ष र बलिदानीबाट प्राप्त सङ्घीय लोकतान्त्रिक संविधानको प्रभावकारी कार्यान्वयनसँगै सरकार समृद्धिको बाटोमा अगाडि बढिरहेको भन्दै जनतालाई ढुक्क हुन अपिल गरेका थिए  ।

उनले भने, ‘नेपाल स्रोत र साधनले धनी देश हो, अब यी स्रोतसाधनको प्रयोग गर्दै स्वदेशमै रोजगारीको सिर्जना गरी विदेसिएका युवालाई नेपाल फर्काउने अभियानमा सरकार लागिपरेको छ ।’