एजेन्सी, २१ चैत । कोरोनाबारे गलत हल्ला फैलाएको आरोपमा अमेरिकी नौसेनाका एक कमान्डरलाई उक्त जिम्मेवारीबाट बर्खास्त गरिएको छ ।
यूएसएस थियोडोर रुजबेल्ट जहाजको नेतृत्व गरेका क्याप्टेन ब्रोट क्रेजियरले कोरोनाबारे भ्रम फैलाएसँगै उनलाई बर्खास्त गरिएको हो । झण्डै ५ हजार कर्मचारीकाे नेतृत्व गरेका क्रेजियरको जिम्मेवारी बिहीबारबाट खोसिएको एनबीसी न्युजले जनाएको छ ।
क्रेजियरले गत साता नौसेनाको नेतृत्वलाई पत्र लेख्दै १ सय जनामा कोरोना संक्रमण देखिएको दाबी गरेका थिए । कडा शब्दमा लेखिएकाे पत्रमा जहाजमा कोरोना भाइरस फैलन लागेकाले रक्षा गर्न माग गरिएकाे थियाे । जुन पत्र सञ्चारमाध्यममार्फत सार्वजनिक भएको थियो । लगत्तै नाभी नेतृत्वले उनको जिम्मेवारी खोसेको हाे ।
प्रतिक्रिया दिनुहोस्