८ दिन लकडाउन थप्ने सरकारको निर्णय

काठमाडौँ, २४ चैत । सरकारले लकडाउन ८ दिन थप गरेको छ । भर्खरै सकिएको मन्त्रिपरिषद्को बैठकले बैशाख ३ सम्म लकडाउन लम्ब्याउने निर्णय गरेको हो ।

विश्वमा महामारिको रुपमा फैलिएको कोरोना भाइरस (कोभिड–१९)का कारण नेपालमा समेत प्रत्यक्ष असर देखिएकाले सरकारले पुनः तेस्रो पटक लकडाउन थप्न निर्णय गरेको छ । कोरोनाका कारण हासम्म नेपालमा नौ जना संक्रमित भएका छन् भने एक जना निको भई घर फर्किएका छन् ।

संघीय संसदको अधिवेशन अन्त्य गर्न सिफारिस

सरकारले संघीय संसदको अधिवेशन अन्त्य गर्न राष्ट्रपतिसमक्ष सिफारिस गरेको छ । कोरोना भाइरस (कोभिड-१९) का कारण प्रतिनिधिसभा बैठक चैत ७ गतेयता बस्न सकेको छैन । १३ र २३ गतेका लागि बोलाइएको बैठक सूचना टाँसेर ३० गतेका लागि बोलाइएको थियो ।