भारतमा कोरोना संक्रमितको संख्या ३३ लाख नाग्यो

काठमाडौँ, ११ भदौ । भारतमा पछिल्लो २४ घण्टामा ७५ हजार ९९५ जना संक्रमित भएसँगै संक्रमितको संख्या ३३ लाख ७ हजार ७४९ पुगेको छ ।

संक्रमितमध्ये अहिलेसम्म २५ लाख २३ हजार ४४३ जना संक्रमणमुक्त भएका छन् भने ६ लाख ९५ हजार ४०० जनाको उपचार भइरहेको छ ।

यस्तै भारतमा कोरोना भाइरसको संक्रमणले ६० हजारभन्दा बढीको मृत्यु भएको छ । पछिल्लो २४ घण्टामा १०१७ जनाको मृत्यु भएपछि भारतमा यो समाचार तयार पार्दासम्म मृत्यु हुनेको संख्या ६० हजार ६२९ पुगेको वर्ल्डोमिटर्सले जनाएको छ ।

अहिले भारत विश्वका धेरै कोरोना संक्रमित मुलुकहरुको तेस्रो स्थानमा रहेको छ ।