बेलायतमा कोरोनाबाट एकै दिन सात सयभन्दा बढीको मृत्यु

एजेन्सी, ९ पौष । बेलायतमा कोरोना संक्रमणका कारण एकैदिनमा  सात सय भन्दा बढीको मृत्यु भएको छ ।

यो संख्या कोरोना संक्रमणको दोस्रो लहर शुरु  भएयताकै सबैभन्दा  बढी हो । पछिल्लो २४ घण्टामा मात्र थप सात सय ४४ जना कोरोना संक्रमितको मृत्यु भएको ‘डिपार्टमेन्ट अफ हेल्थ एन्ड सोसल  केयर’ ले जानकारी दिएको छ ।  यससँगै बेलायतमा कोरोना संक्रमणका कारण ज्यान गुमाउनेको संख्या ६९ हजार ५१ पुगेको छ ।

संक्रमित संख्या पनि गएको २४ घण्टामा ३९ हजार २७३ पुगेको छ । हालसम्म बेलायतमा कोरोना संक्रमितको संख्या २१ लाख ४९ हजार ५ सय ५१ पुगेको छ ।