काठमाडौँ, ८ चैत । देशका विभिन्न ठाउँमा आज पनि बत्ती जाने भएको छ ।
नेपाल विद्युत प्राधिकरणका अनुसार प्रदेश-२ र वाग्मती प्रदेशका विभिन्न ठाउँमा १० घण्टासम्म बत्ती जाने भएको हो ।
प्रदेश-२ को जनकपुरमा रहेको सिमरा वितरण केन्द्र अन्तर्गत ११ केभी क्षमताको पर्वानीपुर इन्ड्रष्ट्रीयल फिडर अन्तर्गत पर्ने जितपुर क्षेत्रका उद्योगहरुमा बिहान १० बजेदेखि दिउँसो २ बजेसम्म बत्ती जाँदैछ ।
यस्तै वाग्मती प्रदेशको भरतपुर वितरण केन्द्र अन्तर्गत कल्याणपुर फिडर, भरतपुर २ फिडर, भृकुटी फिडर र इन्ड्रष्ट्रीयल २ फिडर अन्तर्गतका क्षेत्रहरुमा पनि आज लाइन काटिँदै छ । वाग्मती प्रदेशको भरतपुर वितरण केन्द्र अन्तर्गतका फिडरहरुमा बिहान ८ बजेदेखि दिउँसो ६ बजेसम्म १० घण्टा बत्ती जाने प्राधिकरणले जनाएको छ ।
प्रतिक्रिया दिनुहोस्