कुटनीतिक पहलमार्फत गोर्खा सैनिक समस्या समाधान गर्न एमालेको ध्यानाकर्षण

काठमाडौँ, ३१ साउन । नेकपा एमालेले बेलायत सरकारसँग अविलम्ब कुटनीतिक पहल गर्दै गोर्खा सैनिकका समस्या सम्बोधन गर्न सरकारको ध्यानाकर्षण गराएको छ ।

आक एक विज्ञप्ति जारी गर्दै प्रवक्ता प्रदीप ज्ञवालीले बेलायती सेनाबाट अवकाशप्राप्त भूतपूर्व गोर्खा सैनिकहरुले आफ्ना बेलायती सहकर्मीहरू सरह पेन्सन लगायत समान सुविधा पाउनुपर्ने माग राखेर लामो समयदेखि आन्दोलन गर्दै आएको र सोही विषयलाई लिएर अनसन समेत जारी रहेकाले उक्त समस्या समाधान गर्न सरकारको गम्भिर ध्यानाकर्षण गराएका हुन् ।

जारी विज्ञप्तिमा भनिएको छ, ‘समानताको सिद्धान्तलाई आधार मानेर तथा नेपाल र बेलायत बीचको दुई सय वर्षभन्दा पुरानो ऐतिहासिक सम्बन्धलाई ध्यानमा राखेर आन्दोलनरत गोर्खा समस्याको समाधान गर्न बेलायत सरकारसँग अविलम्ब कुटनीतिक पहलका लागि नेकपा ९एमाले० नेपाल सरकारको गम्भीर ध्यानाकर्षण गर्दछ ।’