आजको मौसम

काठमाडौँ, १३ पौष । हाल देशमा पश्चिमी न्यून चापीय प्रणालीको प्रभाव कायमै रहेको जल तथा मौसम पूर्वानुमान महाशाखाले छ। महाशाखाका अनुसार आज दिउँसो देशभर सामान्यदेखि पूर्णतया बदली रहने छ ।दे शका विभिन्न क्षेत्रमा आज वर्षा र हिमपातको सम्भावना रहेको छ । आज दिउँसो देशभर सामान्यदेखि पूर्णतया बदली रही धेरै स्थानमा हल्कादेखि मध्यम वर्षा हुनेछ ।

उच्च पहाडी तथा हिमाली भू–भागहरुका केही स्थानमा हल्कादेखि मध्यम हिमपातको संभावना रहेको छ । सुदूरपश्चिम र लुम्बिनी प्रदेशको थोरै स्थानमा हल्का वर्षाको सम्भावना रहेको छ । आजराति देशभर सामान्यदेखि पूर्णतया बदली  रहनेछ । देशका केही स्थानमा हल्कादेखि मध्यम वर्षाको सम्भावना रहेको छ । देशका उच्च पहाडी तथा हिमाली भू–भागका धेरै स्थानमा हल्कादेखि मध्यम हिमपातको पनि सम्भावना रहेको छ ।

देशको  पहाडी तथा हिमाली क्षेत्रका केही स्थानहरुमा हल्कादेखि मध्यम हिमपातको सम्भावना रहेको तथा देशका पहाडी भू–भागको केही स्थानहरुमा हल्का वर्षाको संभावना  रहेकाले देशभर चिसो बढ्ने क्रममा रहेको महाशाखाले जनाएको छ ।