काभ्रे, ११ चैत । काभ्रेको बनेपा नगरपालिका–७ उग्रचण्डीमा बस र मोटरसाइकल ठोक्किंदा दुई जना गम्भीर घाइते भएका छन् ।
प्रहरीका अनुसार आज बिहान बनेपाबाट धुलिखेल तर्फ जाँदै गरेको बा २ ख ५२९४ नम्बरको बस र विपरीत दिशाबाट आउँदै गरेको बा ८१ प ४२१४ नम्बरको मोटरसाइकल आपसमा ठोक्किदा मोटरसाइकल चालक रामेछाप नगरपालिका–२ देउरालीका २८ वर्षीय सुनिल कुमार खड्का र पछाडि सवार सोही ठाउँका २७ वर्षीय सन्तोष खड्का घाइते भएका छन् । घाइते दुबैको धुलिखेल अस्पतालमा उपचार भइरहेको छ ।
बस चालक फरार रहेकाले खोजी भइरहेको प्रहरीले जनाएको छ ।
प्रतिक्रिया दिनुहोस्