जलाशयमा डुबेर एक जनाको मृत्यु

दाङ, २९ बैशाख । दाङको घोराहीमा एक महिलाको जलाशयमा डुबेर मृत्यु भएको छ ।

प्रहरीका अनुसार घोराही उपमहानगरपालिका वडा नं. १६ ढिकपुरस्थित मानव निर्मित कृत्रिम जलाशयमा डुबेर स्थानीय ३० वर्षीया विमला घर्ती मगरको मृत्यु भएको हो ।

डिलमा बसेर नुहाउने क्रममा चिप्लिएर मगर जलाशयमा डुब्न पुग्दा मृत्यु भएको र उनको शव पोष्टमार्टमका लागि राप्ती स्वास्थ्य विज्ञान प्रतिष्ठानमा पठाइएको प्रहरीले जनाएको छ ।