बुद्ध एयरको जहाज आपत्कालीन अवतरण

काठमाडौँ, १८ जेठ । झापाको भद्रपुरका लागि उडेको बुद्ध एयरको विमान त्रिभुवन अन्तर्राष्ट्रिय विमानस्थलमै आपत्कालीन अवतरण गराइएको छ ।

आज बिहान बुद्ध एयरको ९५३ उडान नम्बरको उक्त विमान टेकअप गर्दा टायरबाट रबरका टुक्रा झरेपछि पुनः त्रिभुवन विमानस्थलमै अवतरण गराइएको हो ।

जहाज सुरक्षित अवतरण भइसकेको छ । प्राविधिक जाँचपछि मात्र के भएको पत्ता लाग्ने त्रिभुवन अन्तर्राष्ट्रिय विमानस्थलले जनाएको छ ।