थप ३३५ जनामा कोरोना संक्रमण, ८६ जना डिस्चार्ज

काठमाडौँ, ७ साउन । थप ३३५ जनामा कोरोना (कोभिड-१९) संक्रमण भएसंगै नेपालमा संक्रमितको संख्या ९ लाख ८३ हजार ३ सय १९ जना पुगेको छ । स्वास्थ्य तथा जनसंख्या मन्त्रालयका अनुसार आजसम्म सक्रिय संक्रमितको संख्या २९ सय ७१ जना रहेका छन ।

मन्त्रालयका अनुसार आज ८६ जना डिस्चार्ज भएसगै आजसम्म घर फर्किनेको संख्या ९ लाख ६८ हजार ३९४ जना रहेको छ । पछिल्लो २४ घण्टामा कसैको मृत्यु भएको छैन । त्यस्तै आजसम्म मृत्यु हुनेको संख्या ११ हजार ९ सय ५४ जना रहेको मन्त्रालयले जनाएको छ ।