दुई खर्बको निकासीमा आधा हिस्सा आयातीत तेलको

काठमाडौँ, १० साउन । नेपालको निकासी व्यापार दुई खर्ब नाघेको छ ।

भन्सार विभागका अनुसार गत आर्थिक वर्ष २०७८/०७९ मा नेपालले २ खर्ब ३ करोड ६२ हजार रुपैयाँबराबरको वस्तु निकासी गरेको छ । कुल निकासीको झण्डै आधा हिस्सा भने भटमास, पाम र सूर्यमुखी तेलको रहेको छ ।

प्रधानमन्त्री शेरबहादुर देउवाले नेपालको निकासी व्यापारमा कम मूल्यअभिवृद्धि भएका वस्तुको परिणाम बढी भएको भन्दै आइतबारमात्रै व्यवसायीलाई सचेत हुन आग्रह गरेका थिए । तर, भन्सार विभागले सार्वजनिक गरेको तथ्यांकमा यस्तो अवस्था देखिएको छ । यो समाचार आजको कारोबार दैनिकमा छ ।