स्कुल बसले किच्दा तीन वर्षीया बालिकाको मृत्यु

दाङ, १४ साउन । जिल्लाको देउखुरीको गढवामा स्कुल बसले किच्दा तीन वर्षीया बालिकाको मृत्यु भएको छ ।

जिल्ला प्रहरी कार्यालय दाङका अनुसार न्यु मुनराइज बोर्डिङ स्कुलको ना ६ ख ६४३२ नम्बरको बसले किच्दा त्यही स्कुलमा पढ्ने गढवा गाउँपालिका वडा नम्बर–७ मानपुर उत्तर टोलकी पूजा थापाको मृत्यु भएको हो ।

शुक्रबार स्कुल सकेर घर जानेबेला स्कुल बसबाट ओर्लेकी बालिकालाई बसको पछाडिको टायरले किचेको थियो । गम्भीर घाइते भएकी थापाको उपचारका क्रममा लमही अस्पतालमा मृत्यु भएको प्रहरीले जनाएको छ । स्कुलको बस चालकलाई प्रहरीले पक्राउ गरेको छ ।