काठमाडौँ, २२ असोज । अमेरिकाको भर्जिनिया राज्यको मनासस शहरमा गाडीले ठक्कर दिंदा एक नेपालीको मृत्यु भएको छ ।
नेपालीको मूलका भुपेन उप्रेतीको गत बिहिबार दिउँसो उनको मृत्यु भएको थियो । सुन्दरहरैचा नगरपालिका ७ मोरङ गोठ गाउँका उप्रेती हाल अमेरिकाको भर्जिनियाको मनाससमा परिवारसँग बस्दै आएका थिए ।
विगत साढे ४ वर्षदेखि उनी एबिसी पसलका व्यवस्थापक रुपमा काम गर्दै आएका थिए । प्रिन्स विलियम काउन्टी प्रहरी विभागका अनुसार गत बुधबार राती उनलाई कारले ठक्कर दिएको थियो । मनासस शहरको सडली म्यानोर र स्कोफिल्ड वे नामक सडकको बीचमा करिव ९:३० बजे उक्त दुर्घटना भएको स्थानीय पत्रिका डब्लुयुएसएले जनाएको छ ।
प्रतिक्रिया दिनुहोस्