बझाङमा जीप दुर्घटना हुँदा ६ जनाको मृत्यु

कैलाली, २ कार्तिक । बझाङमा जीप दुर्घटना हुँदा ६ जनाको घटनास्थलमै मृत्यु भएको छ ।

जिल्ला प्रहरी कार्यालय बझाङका अनुसार मष्टा गाउँपालिका–४ को चिउरीमा बुधबार दिउँसो डुङ्ग्रीबाट मष्टातर्फ गइरहेको जीप दुर्घटना भएको हो ।

दुर्घटनामा परेर ६ जनाको घटनास्थलमै मृत्यु भएको प्रहरीले पुष्टि गरेको छ । अहिले घाइतेहरुको उद्दार गर्ने क्रम जारी रहेको प्रहरीले जनाएको छ । दुर्घटनाबारे थप विवरण आउन बाँकी छ ।