राष्ट्र बैंकद्वारा सिमेन्ट तथा डण्डी निर्यातमा नगद अनुदान दिन निर्देशन

काठमाडौँ, ४ पौष । नेपाल राष्ट्र बैंकले सिमेन्ट तथा डण्डी निर्यातमा नगद अनुदान दिन निर्देशन दिएको छ ।

राष्ट्र बैंकले निर्यात अनुदानमा संशोधन भएको कार्यविधि कार्यान्वयन गरेको छ । सरकारले चालु आर्थिक वर्षको बजेटमा सिमेन्ट तथा डण्डी निर्यात गर्दा नगद अनुदान दिने व्यवस्था गरेको थियो । सो अनुसारको कार्यविधि उद्योग वाणिज्य तथा आपूर्ति मन्त्रालयले बनाएको थियो ।

राष्ट्र बैंकले सो अनुसार कार्यविधिमा संशोधन गर्दै सरकारले घोषणा गरेका वस्तुहरूले अनुदान पाउनेमा समेटेको हो ।