सूचना प्रविधि क्षेत्रलाई व्यवस्थित बनाउँदैछौँ : मन्त्री शर्मा

काठमाडौँ, २४ माघ । सञ्चार तथा सूचना प्रविधिमन्त्री रेखा शर्माले सूचना प्रविधि क्षेत्रलाई व्यवस्थित बनाउन सरकार लागि परेको बताएकी छन् ।

काठमाडौँको भृकुटीमण्डपमा मंगलबारबाट सुरु भएको सूचना प्रविधि मेलाको उद्घाटन गर्दै मन्त्री शर्माले सूचना प्रविधि क्षेत्रलाई व्यवस्थित बनाउनका लागि सरकारले आवश्यक कानुनहरु निर्माणका लागि तत्काल संसद्मा पेस गर्ने तयारी गरिरहेको र त्यसका लागि सुझाव दिन पनि सम्वद्ध सबै पक्षलाई आग्रह गरिन् ।

उनले सूचना प्रविधि क्षेत्रको विकासमा सहकार्य गरेर अघि बढन पनि निजी क्षेत्रलाई आह्वान गरिन् । “सरकारसँग सम्बन्धित निकायले पनि यस क्षेत्रको कामलाई अपेक्षित ढंगले अघि बढाउन सकेको छैन,” उनले भनिन्, “त्यस काममा सम्बन्धित सबैको ज्ञान, सीप र अनुभवको उपयोग गर्न जरुरी छ ।”