सरकार जनताको अवस्था बदल्न दृढ संकल्पित छ : प्रधानमन्त्री

काठमाडौँ, १६ फागुन । प्रधानमन्त्री पुष्पकमल दाहाल प्रचण्डले सरकार जनताको अवस्था बदल्न दृढ संकल्पित रहेको बताएका छन् ।

आज नेपालको आदिवासी जनजातिअन्तर्गत अल्पसंख्यक सीमान्तकृत जाति माझी समुदायले फागुन महिनाको साहिँली अर्थात् तेस्रो मनाउने लदी पर्वको अवसरमा शुभकामना सन्देश जारी गर्दै अवस्था बदल्न दृढ संकल्पित रहेको बताएका हुन् ।

उनले भनेका छन्, ‘वर्तमान सरकार बदलिएको व्यवस्थाअनुरूप जनताको जीवनमा गुणात्मक परिवर्तन ल्याउने संकल्पका साथ अवस्था बदल्न दृढ संकल्पित छ ।’