महानगरपालिकाद्वारा सडकमा फोहोर फाल्ने १६ जना पक्राउ, ७२ हजार रुपैयाँ जरिवाना

काठमाडौँ, २७ भदौ । महानगरपालिकाले सडकमा पजथाभावी फोहोर फाल्ने कार्यमा संलग्न १६ जनालाई पक्राउ गरेको छ ।

आज बिहान कोटेश्वरमा फोहोर फ्याक्न पुगेका १६ जनालाई महानगर प्रहरी बलको टोलीले फोहोरसहित नियन्त्रणमा लिएको हो । 

फोहोर फाल्ने कार्यमा संलग्न १६ जनालाई प्रहरीले जरिवाना गराएर छोडेको छ । उनीहरुलाई जम्मा ७२ हजार रुपैयाँ जरिवाना गराइएको महानगर प्रहरी बलको भनाइ छ । फोहोमैला संकलन गर्ने गाडी प्रत्येक दिन बिहान ६ बजेपछि घरघरमा पुग्ने भएपनि बाटोमै फोहोर फालिनु गलत भएको भन्दै महानगरले कानुन पालना गर्दै सहर स्वस्थ राख्न आग्रह गरेको छ ।